2. unitate didaktikoa dagoeneko prest

Ikastetxe gehienekin dagoeneko definituta ditugu 2. unitate didaktikoa lantzeko datak. Dakizuenez, 2. unitate honek Artelatz Ingurumen Zerbitzuak enpresako hezitzaileen gidaritza izango du eta ikastetxe ezberdinetan saio ezberdinak burutuko dira.

Unitatea bi zatitan dago banatua, lehena, hezitzaileek ikastetxera egingo dugun bisita aurretik lantzekoa (gelan, irakaslearekin) da eta bigarren zatia, konpostgailua aurrean dutela landuko dute ikasleek hezitzaileen laguntzaz.

Unitatea jada “Materialak deskargatu” atalean duzue zintzilik

Gurasoentzat inkesta, on line zein paperean

ZISARE proiektuan parte hartuko duzuen  ikastetxe guztiekin bildu ostean, batzuk gurasoek betetzeko inkesta paperean ere izatea eskatu zenuten.

On line bete nahi duenak blog-eko  “gurasoentzat inkesta”  atala erabili dezake eta paperean nahi duzuenok, eskuragarri duzue inkesta DIN A4 formatuan blog-eko dokumentazioa atalean.

Unitate didaktikoak eta Acrobat Rider

Ikastetxe batzuetatik deiak jaso ditugu gure unitate didaktikoak lantzeko beharrezkoa den acrobat reader programarekin arazoak dituztela esanaz.

Ondorengo artxiboan, arazo hauek konpontzeko jarraitu beharreko argibideak agertzen dira.

ACROBAT READERekin arazoak

Martxan dira jada parte-hartzaileak

Urtarrilaren 16ean eman zitzaion hasiera ZISARE proiektuari, bere aurkezpena eginez bailarako ikastetxe guztiei.

Lehenengo faseak, otsaila bukaera arte iraun du. Fase honetan, proiektuko koordinatzailea izen eman duten 6 ikastetxeetako arduradunekin bildu da eman beharreko pauso eta hartu beharreko erabakiak hartzeko eta ondoren, behar zen ikastetxeetan konpostagailua montatu edo ordezkatzeko.

Otsailaren 27an, ikastetxe guztiak jada prest zuten konpostagailua beraien hondakin organikoen isurketak egiten hasteko.